小雲？！小吉？！

已剪短了頭髮一星期，
「嘩！剪到咁短既？ 你真係一不做二不休喎！」
「男仔頭！」 「你好呀～ 弟兄！」（仲要係出自郭生口囉。。。兄台， 難為我這小弟兄為咗你得半條命都咁夜瞓囉！）

剪過頭髮後，
本來我在想： 應該不會再似小雲啦！！ 不如去買那頂我好喜歡的小雲帽吧。。。
（完全不再理會扮0靚妹的問題！）

可是呢．．
老闆娘第一天回來見到我便大大聲：「0靚妹！ 剪咗頭髮呀？！」
我：「係呀。。。」

30分鐘後．．．
老闆娘：「喂！0靚妹！ 你飲唔飲水呀？ 飲就要去買！」
（好明顯每一次外遊後她都不記得我個名才會不停的0靚妹前0靚妹後）
我： （心諗我仲有成支呀～） 「哦～ 咁我去買啦～」 （係咪好夠假先？！）
老闆娘突然自己傻笑：「你剪咗頭髮仲個咗喎～！」

我一臉茫然。

老闆娘：「成個小雲咁喎！ 小雲呀～ 同埋小吉！」
我： ！  （唔係嘩！ 我冇同佢講過被人話似小雲架喎．．．）

剛好有客人買東西，
老闆娘：「喂～ 呀．．．（叫不出名字啦！） 小雲！ 你拎去收＄～ 」
我： 「．．．．．．」

那到底我似小雲定小吉？ 但是就這樣完全把我想買小雲帽的慾望完全（係完全！） 打消了．