散打王。

從台灣回來休息了幾天，很突然地，突然到在五分鐘內我就有了這星期的工作。
由上星期日到今天星期六，那好像是幾秒前的事一樣！
這星期過得實在太快太快太快～～～

到底做甚麼？ 我去了做酒店散工！
而且是頗高級的酒店竟然出現我這種無敵初哥，
若有一天你俾二、三百蚊去食個早餐卻遇上傻更更的侍應，
不要懷疑，因為世事正是如此！

極貴的價錢是來自品牌和環境而非服務囉！

當你每天早上5時起床、而然5時半放工，
中間不停的搬東西、行來行去無時停，
我想6歲小孩都會累個半死，何況我這26歲的小婦人呢？！

昨天有位廿歲出頭的死0靚仔說：「你返咗幾日工梗係會累啦！ 又食得野少喎！」
我：「咁你知唔知點解會瞓醒都仲好累吖？！ 因為我唔係6歲細路囉！ 瞓十個鐘都補唔返啦！」
他：「哦～ 我瞓6個鐘就無咩事架喇！」
我： ！！！

真的差點一手飛落佢塊面度囉！

又，
我問另一位資深散工（資深呀！ 明唔明呀？！）
「你好似唔會累咁喎？！」
他：「做耐咗就唔覺架喇！」
我：「你好似返5點架喎？！」
他：「係呀！ 下星期我會返埋夜直踩17個鐘頭架！」
我：「！！！」 「好堅喎！ 」
他： 「咁我都係用其他人去玩呀、睇電視的時間搵錢囉！」
我：（佩服得沒話說）
他： 你咁樣踩十個半鐘得唔得呀？
我：唔．．． （明顯想死啦！） 「都可以既，不過都盡架喇！ 多5分鐘都死呀～～～」

 這個行業的人有很多我不明白的思想和體能，真的不－明－白！