我。

放假才來病是不少人的體會．．．．

現在喉嚨火燒般醒來，完全無法再睡，才睡了幾個小時，想點呀？！
先是肚瀉了兩天多，是那種一食就瀉，喝水也瀉那種．．．．
久不久頭痛呀之類的。
旁邊還有個人不斷的說：「你係咪感冒菌入腸跟住傳染俾我呀～～～」「我好頭痛喎！ 你傳染咗俾我！」 「乾燒呀而家！ 應該係你傳染俾我．．．．．」
於是昨晚我忍不住是但搵個人賴吓「都係呀乜乜傳染俾我，我傳染俾你喞！！！」
心裡好過很多。


照常地發惡夢。

夢裡大家都好像見不到我一樣，
很冷漠，似乎是我做了最錯的事而不再理我。
人有時不其然都會害怕失去．
心裡面越希望珍惜，卻悄悄地溜走了安穩的感覺．

昨晚睡著前忽然閃過小時候我媽說我是個「很懂看人眉頭眼額的八妹仔」
也閃過馮生昨晚一句他和太子老豆大概都是ENFP 人，而我是他們的死敵 （！）
＊死敵一詞讓我覺得自己會自然地勞役他們致死一樣！  好可怕！！

一聽之下我大驚，「吓？！ 點解呀？」
「唔記得喇．．．．」
「咁我係咩？」（此問題已重覆十萬次）
「你咪ESTP 或ESFP囉！ 」
「哦～ 係呀。。。。 咁做乜我係死敵呢？」
「唔知呀．．．．．．．．」 （正在angry bird 中．．．．）
「點解唧？」
「咩呀．．．．ok架喇！ 你呢d老人精冇問題．．．． 」 （回覆sms 中）
「點解呀？ 你答我啦！」
「即係例如話我呢d好含糊，你要好清楚架嘛！ 唔。。。。。。 唔記得喇！」
「哦．．」

馮：「你話你angry bird 過唔到第二關，係指2－1呀？」
我：「唔係呀！ 係1－2 呀！」
馮（想笑般）：「哦！ 原來係咁！係要多小小技巧既．．． 」 （當時馮生剛download下來玩不久）
我：「係囉！真係好難玩架！」

睡前，「很懂看人眉頭眼額的八妹仔」和「死敵」令我也不知自己是個甚麼人來。
很疑惑地，為甚麼馮生會留一個死敵在自己身邊呢？
常理地，死敵是要來消滅的！ （正如看電視一樣啊～ 劇情總是要除去死敵才對～）


呀， 喉嚨真的痛爆，但突然很想去唱K。