吓吓吓!!

今天在我的房間內又傳來充滿八卦語調感情的「吓吓吓??!」 聲音。

原因是今早在影印機旁被某同事發現我手上的結婚戒指。

A 一手捉著我的手 :「咦?! 」 然後呆看著我三秒以上，「你結咗婚喇?????」
我扮晒純情般回答:「係呀.......」
A: 「吓?! 到底係你保養得好定係你好細個就結婚呢?」
我: 「哈哈......」 然後回到座位繼續工作。

然後到了午飯時間完結...我已經在自己位，由於老細不在大家超級無敵的輕鬆寫意，
(據聞男同事瀉到暈沒有上班.. 老細不在全OFFICE 都是女人。)
大家又走入來無聊，
突然B 說:「喂! 我真係要八吓! 你真係結咗婚呀?!」
我都未答得切，
A: 「佢話係囉!」
B: 「你廿幾歲JA 嘛?!」
C:「好開心呀~」笑到見牙唔見眼般..
A:「你係咪保養得好好呀?!」
B: 「你係咪細後生結婚呀???」
........

一連串的問題，到底係咪唔使我答架呢?

不過奇蹟地女同事們沒有問:「你係咪有咗先結婚呀?!」或婉轉地「你有小朋友未?」
女人啊，著眼的都是保養的問題。