早兩晚在只有影的電視前食公仔面，眼尾看到有隻黑色野閃過，
我大驚！ 「有隻野飛過呀！ 去咗MOCHICHI 後面呀～～～」
馮生：「冇啦！ 睇唔到當冇野啦！」
我：「吓．．．．．」
後來準備睡覺，出廳想關燈時，見到佢喇！ 在地下行過．．．
我：「嘩嘩！ 有蟑螂呀～～～ 」「老公老公．．． 快d 黎啦！！」
隻蟲走緊啦！！ 已經試過無限次掛住叫眼白白看著牠們走佬。
我：「 咁我打你執啦！！！ 」 馮生正在IPHONE 中全無反應。
我：「咁我打架喇！ 你一陣執呀！！」 （手起拖鞋落，啪一聲） 死咗！
看了一眼，好像不是蟑螂哦～ （但類似～）
打完好開心地， 「喂！ 打完喇！ 死咗！你執啦！！」
馮生：「我冇應承你喎！」
我：「？？！！！ 」 「黎啦！你執啦！」
馮生：「我冇應承你喎！」 （好狠呀吓～！）
我：「 咁我由佢0係度啦！ 我唔執呀～～」
一少理，入房關門。 （夠晒無賴呀！！）
後來馮生出去執：「嘩！ 好“大“隻下喎！ 好心你自己執啦！」
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
昨天在舖頭食飯時又有小蟑螂走過，「嘩嘩嘩！蟑螂呀～～」
「邊度？」 手指指「呢度！」
然後呢．．． 可怕的事發生，有位人兄徒手啪落去！
（噢！ 因為是在玻璃櫃，清楚看見那蟲蟲拍偏的肚子啊！！！）
我：「嘩！我唔理你呀！ 我同你絕交呀！」
如果你想我主動同你絕交，在我面前徒手打蟑螂就可以了。
沒有留言:
張貼留言