有一天電視上看見曾華倩，
我：「我細個都鍾意曾華倩架～～」
太子異常興奮：「哈哈哈哈！ 我地真係合拍！ 佢係我偶像！」
在記憶中搜尋，我看過曾華倩做甚麼呢？ 沒有印像，但是很記得這個人。
我啊～ 小時候真的很單純，這麼記得這位女藝人原因簡單至極，佢個名有個「倩」字囉！！！
所以我對「倩女憂魂」都好深印像架！
為此我特意在維基百科打下「曾華倩」，原來1965年出世，最令我有回印像的是她曾與梁朝偉拍拖！ （這些八卦我從小到大都有濃厚興趣！）
至於她演過的電視劇，看著維基列出的名字。．．． 全無記憶！！
不過肯定那些1987年起的我都有看過，因為是電視精啊～～
不知多少次看電視看到眼不眨 、口張開而被罵了！
然後不知幾多歲，我又好鍾意溫碧霞喎！
呢次佢個名冇個「倩」字，不過當時我覺得佢好靚囉！
昨天打開雜誌，看見44歲的溫碧霞，靚到丫～
保養得仲好過玉女呀！
到我44歲時，唔知我塊面有幾大呢？～
沒有留言:
張貼留言