天水圍的寶藏。 失落。

昨晚一邊學車，一邊感到好－肚－餓．．．．．
好幾次都想跟師傅說不如早點學完讓我吃東西啦．．．．

學完車一邊想著天水圍的好東西，一邊快快步想要回家。．．．
回到天水圍急急步行，

馮生：「你有冇諗過，如果今晚冇開咁點呢？」
我：「唔係嘛！！ 係的話就唯有去返對面商場搵野食囉．．．．． 」（立即擔心起來！！）
點解好似冇開既？ 我一架車仔都唔見呀！！

原來因為好多人，俾人圍住晒，我呢d 低視線人完全見唔到。

買了車仔面、串燒和臭豆腐！！
一邊走路回家一邊吃，歡呼了好多次啊～～～～～～
「好味啊～～！！」 「真的錯過了很多美好時光啊～～」
「好在咁遲先發現，唔係肥死！」 「我以後要成日黎呀～～～」

搬入元朗區以來一直都覺得這邊的車仔面特別好吃，有十幾年前的味道！
這邊的車仔檔也是啊～～～
這個臭豆腐我特意要求馮生為我拍照留念，真的超級好吃！ 夠晒臭！！！！！！

等行人天橋LIFT 中







顧著吃也忘了按lift 製．．．．低能．．．．
怪不得一層樓高也這麼久啦！

入LIFT時我手上還剩大半舊，馮生一口咬埋黎．．．
「喂！ 留返半舊呀！ 唔留正衰仔呀！！」   （結果慢動作地．．．． 全舊咬走晒，只剩下我手上的竹籤！！）

我：！！！
「喂！！！！！！！！！」   「搞錯呀～～ 搞錯呀～～～ 搞錯呀～～～～～～」
（在lift 裡大叫！！！ 因為只有我們兩個人啊～～ 叫得好放肆吓。）
馮生：「冇晒喇咩？！」  
我：「冇喇！！」
馮生：「俾返你喇！」（想在咀吐回出來）
我：「唔要呀！ 唔要呀！」 （想喊呀，我舊臭豆腐呀．．．．．）
馮生：「哈哈哈～」

出LIFT 後，其實一落樓梯又可以回到臭豆腐檔，
馮生：「哈哈哈！行返落去買？！」
我失落中：「唔喇．．． 」仲要自己掉返手上空空如也的竹籤喎！