怪夢連連。1亳子 。

最近常常發夢

我去了一個很奇境的地方，基本上那是一個大峽谷，
而那個大峽谷係有水流架喎?!
然後忽然有個穿著古式漁民裝的人大叫:「啊呀呀呀~~~」就連人帶船飛了落谷底。

我當然好緊張啦!
然後有旁白在說: 「呢度既村民每天都要受盡大自然的威脅生存......」 (!) 應該是看那些生態記錄片太多之故!

於是走了大老遠去看，原來那個谷底係可以有路走落去，好安全的~~
落到去才發現，它是一個像羅馬鬥獸場一般的建築物，
有兩個門口，每幾十秒就會噴水氣出來，形成很迷曚的入口.....
總之我走了入去才發現其實是個水上樂園的東西啦.....
有得玩、也有按摩池那種!
然後很餓不知是跟誰一起去餐廳，看見那個牌上寫著是日特價: xxx薑蔥雞飯 $22
我:「特價飯喎! 不如食呢個啦!」
人:「好丫!」

然後去收銀處付鈔，神奇的是我拿一張$20給收銀阿姐，
我又知佢要找1亳子錢俾我架喎! (總之盒飯就變咗$19.9)
阿姐: 「唔好意思呀! 冇晒散紙，找人民幣俾你丫!」
我:「唉! 是但啦!」
接過來的「人民幣」是幾個硬幣，有一個是缺了一部份的 (!)
我:「喂阿姐! 咁唔得喎! 爛既?!」
阿姐:「唔... 咁呀~ 一係我找d銅錢俾你丫!」 (跟住真係拎d 古老錢幣出來喎!)
我:「唔要呀! 你俾d用得既錢我得唔得呀?」

於是就開始好勞氣喇! 為了夢裡那1亳子的原則..............

結果，最後都係得推爛銅錢....
然後，馮生突然出現話:「喂! 跳落水啦! 黎到唔落水做咩呀?」
我當時感到寒風陣陣 :「咁凍!! 」

醒來，我只穿著背心短褲像條死屍般趟在床上，而且全身都冷冰冰!
結果我發現被子全被掉到床的最裡面......
因為身旁那位睡到熱時"褲"被把我那邊的被都順手"褲:走吧.....


後來我告訴馮生我的夢，他:「你睇你幾計較丫! 為咗一亳子ja!」
我覺得係原則問題囉....