中學朋友。

上星期與認識多年的中學友人吃飯，原因之一是我們已約了很久也沒約得成，有三四個月吧！ 先前不是你飛就我飛，我飛完又到佢飛咁，於是重重覆覆到上星期才約成。



美國回來的手信，呢條Victoria Secret 真係夠晒鮮艷呀吓！
另外兩人收到一條黑色、一條心心的．．

「我家姐買d 紫色un un 俾個女著，我姐夫唔鍾意喎！ 佢話細路女唔應該著呢d顏色既un un！！」

「咁要著咩色呢請問？」
「咪粉紅色呀、白色囉！ 即係好似你拎住0個條咁！！」

「！」




「喂！ 你地唔好留底係呢度呀！」（當時我們在太子的紅螞蟻）
「上次我個friend 留底咗，跟住俾侍應叫住話：“小姐！ 唔好意思．．． 你留底咗條底褲呀．．．． 唔好意思，我睇咗係咩黎！」  

哈哈哈～ 於是我們拿著討論一番後也互相叮囑要記得放好囉！

*            *              *

這種中學就認識的朋友，我們對彼此真的是亳不客氣，
特別是對對方的身材可是亳不猶豫的評價一番．．
「喂！ 你個pat 咁偏既？」
「肥咗好多呀你！！！！」「嘩！ 個byebye 肉咁byebye 既？！」

等等等等．．．
而且是一邊說一邊用手檢查的！
那天我們才在走去食糖水的花園街上互相比較大家的大pat 是否緊實 （！）
好明顯，大家都比中學時肥咗好鬼多啦～～～

UN UN 上的hipster 貼很夠姣，忍不住留了下來。