真的估不到，他讀的課目這麼抵啊～ 現在竟然還有碩士課程9：30下課卻留你到10：30喎！！！
真是很有良心的課程。
既然未齊人，一坐下我們決定先吃一個小的， ＄83！
但是好難食啊！！ 特別最頂頂紅色的那球雪糕，比＄4.5／ 8支的冰棒更藥水！！
「這個東東好像只有那個雀巢是好吃的！」
不過，這樣說的時候大家已差不多把它吃完了．．．．
好明顯，我們都是一班有野就食的餓底成員，理你難唔難食丫！ 食咗先算那種。
又，我常常覺得當有一班人的時候，幾難吃的東西也會享受起來，特別是大家都像餓狼一般的搶食，慢一點都會吃不到的話。
看到它時，我：「嘩！ 個心心好靚喎！」 馮生：「咁你剩係食個心心啦！」
咩係死敵呢？！ 明啦！
＊ ＊ ＊
湯美美一來「對唔住！」
「做咩對唔住？」
「你唔覺我頭先忟忟地架咩」
「真係唔覺喎！」
「吓．．．．．」
「點解你成日都以sorry呀，對唔住做出場架呢？」
「外國人呀？ excuse me？日本人呀？！すみません。」
其實有些好人就是這樣啊～
總是覺得對不起人，不幸地遇上我們這種無賴小人，
結果常說對不起反而被我們一窩蜂的怪責起來，哈哈哈～
因為啊，至少我，甚麼沒感到不對的情港下聽到很誠意的對不起便感到奇怪不自在起來！
好像有個金鋼圈套在頸（對，是頸！）一樣！
＊ ＊ ＊
一番哄動後，我們再點一個HAPPY FOREVER! 真是一個超開心的甜品啊～
因為有9球雪糕任選口味，開心到呢～
上一次是郭生生日飯來吃，有人問：「有人生日有冇折架？！」
侍應生一臉無奈說：「唔好意思，冇架．．．． 送支蠟燭俾你地好唔好？」
哈哈哈～ 「都好丫！！ 多謝晒！」
這次仍然是十級開心～
一邊吃，郭老闆已說了幾十篇：「係咪要叫多個呢？！」
「早知頭先唔叫那個藥水啦！」
「咁既話我地會食咗＄400 雪糕喎！ 太恐怖啦！」
「而家都食咗 ＄300 囉！」
吃過後大家開始無聊說話，
「我地識的人當中真的有好多勁人呀！」
「係喎！」
「有上市公司ceo 級！ 有政府高層！ 」
「真係好勁囉！」
「係喎！ 」
「乜呀 xxx 咁勁呀？」
「係呀！爭在電視未見到佢架ja！」
「嘩嘩！ 第日見到咪好勁囉！」
「係呀！ 即係好似范徐麗泰，佢就李xxx 咁囉！」
「嘩！ 好勁呀～ 」
結果我們為此笑了一頓。
真是一個盡情的晚上。
沒有留言:
張貼留言