年齡是秘密？

打從21歲以後，大學時期常常都有人問我是否讀中學，入馬會、機舖會被人查身份證。 
到了現在26，仍然有人問我是否讀緊書，一聽到我已為人妻都下下聲，知道埋已經結婚兩年多就更是嘩嘩聲！


不過現在不會被查身份證了，因為每天早上都看見自己真的比21歲時老去不少！ 哈哈哈！ 殘了、看得出我再不是中學生喇！ 當然若與青年人吃午餐，我仍可以一起享有學生餐優惠。 很正的！像我這種童顏少婦，有時候連馮生都說像拖個細路出街咁，無奈～～～ ＠＿＠！


早兩天有位叔叔來舖頭勁多咀．．．
叔：「老闆，呢個你個孫呀？」   
我： （好想爆笑．．．． 皆因個孫都係得12歲囉！ 我似十幾歲咩？！ ） 
老闆： （好明顯都忍緊笑） 「下？ 你話呢？」
叔：（見無人理佢，開始同我講野）「乜你咁得閒落黎呀？ 後生女咁悶都落黎幫手呀？ 」 （下刪數十字） 
我：（繼續寫單笑住唔理佢）


晚上回家我跟馮生說起這事，馮生都笑住問：「太子幾多歲呀？哈哈！ 」
我同太子計過喇，佢要14歲生出我先得囉！ 
慶幸，我脫離到在這裡工作就是太子老婆的命運！ 
大概下次可以告訴別人我是童養媳襯返12歲的孫啊！