好！ 勤！ 力！

今日我覺得自己好勤力，所以累到暈，甚至無朋友。
累到暈會點？ 就是在回家的長途站立中會想發脾氣的，那就是累到暈。如果再勁多少少，就是累到發脾氣都冇力，只能發呆，那就是累到無朋友。 今日就是累到冇朋友喇～

早上，因為好眼瞓，平日醒瞓的我竟然唔多聽到鬧鐘，按完再按，結果死抓著床到最後最後最後一分鐘才起來，然後看著身邊的馮生叫起來「你就好啦。。。。呢種天氣瞓覺真係好舒服呀。。。」 馮生當然沒有反應。

梳洗、換衫、放上眼耳口 （缺了鼻是因為我個鼻好扁，睇唔到，要放就放上鼻孔吧！），又忍不住對於仍休眠的馮生叫：「你唔使起身呀？！」  哈哈～～ 真係好唔抵得囉！ 執拾行裝，看看外面傾盆大雨。。。 決定要同馮生講byebye ：「我返工喇～ （搖埋佢個身） 你就好啦。。。。可以繼續瞓。。。 」 如是者，馮生都只是哼了一聲，冇野講，唯有走人。

大雨程度令我走到地鐵站途中已經要除鞋倒水兩次，當然也因為這邊地面不平，那些大大的水氹，我不夠腳長skip 咗佢，唯有勇敢地一腳踏進去，一腳水是也！ 唉！ 腳短的長處。

回到店裡好餓啊！ （與那些水氹 搏鬥完嘛！） 因為抓著床到最後一秒，結果今天要在店裡早餐， 然後一輪撕殺後就已經3pm．．．．

只記得有些講國語＋英文的人，然後又一堆一堆的人，然後又有一堆一堆的焗油， 總之我今日有勤力工作啦！ 哈哈哈！

為甚麼我今天的記事佔上三份二都只是早上一小時的事情呢？