燥底呀～

OK, 呆了一個早上終於好返～ 心情好返晒！
今日天氣好熱，令人特別容易發脾氣和燥底病，有此病的人包括了我及太子，真係好熱啊～～

今天有位小姐來令我火冒三丈（ 此用語覺得自己中文好勁～）．．．
話說此女人來睇染髮。。。

女指著我：「你呢個咩色呀？我想染你呢個！」
我：「我呢個咪深啡色囉！」
睇睇睇，每本色版都睇完。。。  都唔0岩喎！
女：「呢隻色好冇？」
我： 「最緊要你鍾意啦！」
又揭揭揭。。。。 睇睇睇。。。。。 10分鐘後
女：「你幫我揀你頭0個個色啦！」
我：「咪呢個囉！ 你都唔係鍾意咁深色！ 你自己揀啦！」
女：「老細會幫我揀架。。。。」
我：「．．．．．． 」 （已經燥到想爆炸，又鬼咁多人）

招呼完其他客，佢仲0係度！！！！！ （搞錯呀～～～）
女： 「唉！ 呀靚仔你幫我揀啦！ 我想要咖啡色！」
太子：「得！ 」 （指完佢睇．．．）
我： （唔通搞得掂？ 可以快d 送佢走啦～～～）

好可惜，再搞多十分鐘最後女話 ： 「唔好喇！ 我都係去髮廊染算喇！」
我：！！！！！！！！